هذيان الشاعر ......

شاعـر غنـى حزينـات الابيـات

حتى الحصى من شجو لحنـك يغنّـي

تلفظهن انفاسن وقـال اللحـن هـات

.بالله قل لـي ويـن جـاك التعنـى؟

أن كان تلهي الروح بالشـدو تلهـات

اسمع حمـام الـورق شـدوه مقنّـى

وكانك تعزي القلب مالحـزن تعـزات

هذي دموعـي واهمـل الدمـع عنّـي

واليا قضن م الصدر حراات الاااهات

باجلس بجنبك وانهـت النهـت منّـي

واليا قضى من ضايق الصدر عبرات.

حزوني لنوحك جتك ثـم (ن) جثنّـي

تسمع نحيبك فـي صداهـن صلفـات

مثل الصبايـا فـي منـاح (ن) بكنّـي

ياكم هلـن فـوق الاوجـان دمعـات

تـار خاطرهـن لقلـبـي كلـنّـي

يادمعة (ن) لي من الخوافـي ثمينـات

تغلى على غيـرك ولـك يرخصنـي

تاكلني الحسـرات بالجـوف بسكـات

ويغطـي الخافـي تِبِـسَـام سـنّـي

من بين مجموع الصبايـا والاشتـات

جعلك ربي لـي بلـى (ن) وامتحنّـي

اذكرك إلى شالت من الريـح هبَّـات

وثليـل شعـر(ن) بالهـواء يلفحنـي

وخرس الروامش سلهمن له ظليـلات

لسحر النواظر مـن الهـواء لحفنّـي

ياسقم حالي ليا التفت لـي بتغضـات

اغدي خريش (ن) والروابـع غدنّّـي

تتابع الانفاس فـي الصـدر عجـلات

يجوض قلبـي والضلـوع ارعدنّـي

جوضة مريض كويته مثـل عرقـات

مع لمسـة المخطـر لجلـده شونّـي

يعول بصوت (ن) يرهج القلب رهجات

مثيـل قـوس(ن) للربـابـه يسـنّـي

لا وا عذابـي يالثـمـان الرهيـفـات

في مبسم (ن) فيـه البـرد مستكنّـي

اطرب لهـن اليـا تجلّـن بضحكـات

لو كنت زعلان (ن) رضيت وخذنّـي

تاخذنـي دروبـك لبيـد ومتـاهـات

اسرح بها كنّـي علـى الغيـم كنّّـي

متعلي (ن) مزن (ن)تشاهـق بهامـات

واليـا حزنـت بديـرة(ن) يمطرنّّـي

مسير جافي الوقـت يهديـك جفـوات

وتعرف مواجيـع الجفـا ليـا جفنّّـي

مشكوررررررررررر يا غالي
شو هالهذيان